تونس (بزمن ڈاٹ کام ) تیونس میں 40 اپوزیشن رہنماؤں کو 5 سے 45 سال تک قید کی سزا ئیں سنا دی گئیں ۔تفصیلات کے مطابق شمالی افریقی ملک تیونس کی ایک اپیل عدالت نے 40 اپوزیشن رہنماؤں، کاروباری اور میڈیا شخصیات کو 5 سے 45 سال تک قید کی سزا سنا دی۔تیونس کی سرکاری نیوز ایجنسی کے حوالے سے بتایا کہ ان شخصیات پر ریاستی سلامتی کے خلاف سازش کرنے کے الزام میں سزا سنائی گئی ہے۔ مقدمے کے 20 افراد بیرون ملک فرار ہو چکے ہیں، ان کی غیر موجودگی میں سزا سنائی گئی۔یہ مقدمہ تیونس کی حالیہ تاریخ میں سیکیورٹی جرائم کے سب سے بڑے مقدمات میں سے ایک تھا۔ ملزمان اس سال مارچ سے مقدمے کا سامنا کر رہے تھے۔
