63 ہزار 970 گاڑیوں کے چالان ،متعدد گرفتار

لاہور (بزمن ڈاٹ کام ) شہر میں ٹریفک قوانین کی خلاف ورزی پر پکڑے گئے سیکڑوں افراد کا ضمانتوں کے لیے عدالتوں میں رش لگ گیا، پکڑے جانے والوں میں متعدد نوجوانوں کی عمریں 16 سال سے بھی کم ہیں۔ لاہور پولیس نےٹریفک قوانین کی خلاف ورزی پر 2 روز کے دوران پکڑے گئے 750 سے زائد افراد کو ضلع کچہری میں پیش کیا جہاں ڈیوٹی مجسٹریٹ نے 415 ملزموں کی ضمانتیں منظور کرلیں۔گرفتار ہونے والوں میں متعدد نوجوانوں کی عمریں 16 سال سے بھی کم ہیں۔ان نوجوانوں کا کہنا تھا کہ پولیس نے مقدمہ درج کرکے انہیں ہتھکڑیاں لگا دیں، پولیس سےکہا تھا کہ چالان کردیں مگر مقدمہ درج کرکےگرفتار کرلیا گیا۔ترجمان ٹریفک پولیس پنجاب کے مطابق 24 گھنٹوں میں صوبے بھر میں 63 ہزار 970 گاڑیوں اور موٹرسائیکلوں کے چالان ہوئے اور 8 کروڑ 42 لاکھ 90 ہزار 950 روپےکے جرمانےکیےگئے۔23904 گاڑیاں پنجاب کے مختلف تھانوں میں بندکی گئیں، ہیلمٹ کی خلاف ورزی پر ایک دن میں 28 ہزار چالان ہوئے، ٹریفک قوانین کی خلاف ورزی پر 4312 افرادکے خلاف مقدمات درج ہوئے۔