گلشن عثمان چودھری کی خطیب حرم مولانا محمد مکی حجازی سے ملاقات

رحیم یارخان( نامہ نگار ) سابق چیئرمین ڈسٹرکٹ پبلک سیفٹی کمیشن رحیم یارخان و سابق سٹی ناظم گلشن عثمان چودھری سلطان احمد بندیشہ کی سعودی عرب میں مقیم خطیب حرم مولانا محمد مکی حجازی سے مکہ مکرمہ میں ملاقات، ان کی تیماری داری کی اور خیریت دریافت کی۔ مولانا محمد مکی حجازی نے پاک سعودی دفاعی اتحاد، عالم اسلام کی یکجہتی اور سربلندی کے لیے دعا کی۔ اس موقع پر چودھری سلطان احمد بندیشہ کی درخواست پر مولانا محمد مکی حجازی نے جلد پاکستان کے دورے کی دعوت قبول کر لی۔ انھوں نے پاکستان کی موجودہ صورتحال پر بھی چودھری سلطان احمد بندیشہ سے تفصیلی تبادلہ خیال کیا۔ انھوں پاکستان کی سلامتی، ترقی اوراستحکام کے لیے بھی خصوصی دعائیں کیں۔ اس موقع پر راہنما جمعیت علمائے اسلام مولانا محمد امجد خان، عبدالعلیم چوہان اور عبدالحنان بندیشہ بھی موجود تھے۔