ایبٹ آباد (نامہ نگار ) سکندر آباد پولیس نے کاکول روڈ پر خاتون کو حراساں کرنے والے شاہد عرف قاری سکنہ نتھیاگلی کو اس وقت گرفتار کر لیا جب ان کی “خیرسگالی” کی ویڈیو سوشل میڈیا پر وائرل ہوگئی۔ قاری صاحب مبینہ طور پر گزشتہ دنوں ایک اکیلی خاتون کو گاڑی کا انتظار کرتے دیکھ کر “ثواب” لینے کے ارادے سے لفٹ کی آفر کرتے رہے، مگر خاتون کے انکار کے باوجود باز نہ آئے اور معاملہ ہراسانی تک پہنچ گیا۔ویڈیو جیسے ہی عوامی عدالت یعنی سوشل میڈیا کی بارگاہ میں پیش ہوئی، پولیس نے فوری حرکت میں آکر ملزم کو ٹریس کیا اور تھانہ سکندر آباد میں 294 اور 354 پی پی سی کے تحت مقدمہ درج کر کے حوالات کی ہوا کھلوا دی۔قاری صاحب اب تحقیقاتی ٹیم کو یہ سمجھانے میں مصروف ہیں کہ ان کی لفٹ کی پیشکش خدمت خلق تھی یا “خدمت خلق” کا بہانہ۔ پولیس مزید تفتیش کر رہی ہے، جبکہ سوشل میڈیا صارفین صورتحال کا بھرپور طنزیہ جائزہ لے رہے ہیں۔یاد رھے مثالی پولیس اسلام اباد طالبہ کو 5 ہزار نوٹ دیکھا کر حراساں کرنیوالے انکل کو آج تک ٹریس نہی کر پایی ۔ کیونکہ انکل کے پاس سویک کار اور ایک امیر زادے تھے اور امیر زادوں کے سامنے یہ محکمے مکمل طور پے بے بس نظر اتے ہیں ۔
