بس کھائی میں گرنے سے 5 مسافر جاں بحق،7 خواتین سمیت 27 زخمی

چکوال(نامہ نگار) تلہ گنگ کے قریب جی ٹی روڈ پر ڈھوک پٹھان میں بس کھائی میں گرنے سے 5 افراد جاں بحق اور27 زخمی ہوگئے، زخمیوں میں بعض کی حالت نازک ہے جس کے باعث ہلاکتوں میں اضافے کا خدشہ ہے ۔تفصیلات کے مطابق مسافر بس راولپنڈی سے کراچی جا رہی تھی کہ موڑ کاٹتے ہوئے کھائی میں جا گری، حادثے کی اطلاع پر پولیس کی بھاری نفری اور امدادی ٹیمیں فوری طور پر موقع پر پہنچیں اورجاں بحق ہونے والے مسافروں اور زخمیوں کو ہسپتال منتقل کیا ۔ترجمان ریسکیو کے مطابق زخمیوں میں 7 خواتین بھی شامل ہیں، زخمیوں اور جاں بحق افراد کو ٹی ایچ کیو تلہ کنگ منتقل کیا گیا، متعدد زخمیوں کی حالت تشویشناک بتائی گئی ہے۔پولیس حکام نے بتایا کہ حادثے کی تحقیقات شروع کر دی گئی، زخمیوں کو ہسپتال میں ہر ممکن طبی امداد فراہم کی گئی ہے۔