چین میں سونے کی نئی کان دریافت ، ہلچل مچ گئی
تہران (بزمن ڈاٹ کام ) ایران نے ملک کے اہم ترین سونے کے ذخائر میں سے ایک میں نیا اور بڑا ذخیرہ دریافت کرنے کا اعلان کیا ہے۔ یہ نئی دریافت مشرقی صوبے جنوبی خراسان میں واقع نجی ملکیتی ’’شادان گولڈ مائن‘‘ میں ہوئی ہے، جسے ایران کی اہم ترین سونے کی کانوں میں شمار کیا جاتا ہے۔فارس نیوز ایجنسی کے مطابق اس نئے ذخیرے کی باقاعدہ توثیق وزارتِ صنعت، معدن و تجارت نے کر دی ہے۔ رپورٹ میں کہا گیا ہے کہ شادان گولڈ مائن کے ثابت شدہ ذخائر میں ایک بڑے نئے سونے کے وین (Vein) کی دریافت کے بعد نمایاں اضافہ ہوا ہے۔بیان کے مطابق نئے ذخیرے میں 7.95 ملین ٹن آکسائیڈ گولڈ اور اور 53.1 ملین ٹن سلفائیڈ گولڈ اورموجود ہے۔ آکسائیڈ اور عام طور پر نکالنے میں سستا اور آسان ہوتا ہے۔خبر ایجنسی اے ایف پی کے مطابق ایران نے سرکاری طور پر اپنے مجموعی قومی سونے کے ذخائر کی تفصیلات ظاہر نہیں کیں، تاہم حکام کا دعویٰ ہے کہ حالیہ برسوں میں سونے کی خرید میں نمایاں اضافہ ہوا ہے۔ستمبر میں ایران کے مرکزی بینک کے گورنر محمدرضا فرزین نے بتایا تھا کہ 2023-24 میں ایران دنیا کے پانچ بڑے سونا خریدنے والے مرکزی بینکوں میں شامل رہا۔ مرکزی بینک کی خاتون عہدیدار یکٹا اشرفی کے مطابق سونے کے ذخائر میں اضافہ بین الاقوامی پابندیوں کے دباؤ کے باوجود ملکی معیشت کو سہارا دینے میں اہم کردار ادا کرے گا۔ایران میں اس وقت 15 فعال سونے کی کانیں موجود ہیں، جن میں سب سے بڑی زرشوران مائن ہے جو ملک کے شمال مغرب میں واقع ہے۔
