پیپلزسٹوڈنٹس فیڈریشن کی جانب سے پروقارتقریب منعقد

رحیم یارخان( نامہ نگار ) پیپلزپارٹی کے 58ویں یوم تاسیس کے سلسلہ میں پیپلزسٹوڈنٹس فیڈریشن کی جانب سے پروقارتقریب منعقد کی گئی جس میں پی ایس ایف کے ضلعی وتحصیل عہدیداران سمیت نوجوانوں کی کثیرتعداد نے شرکت کی۔اس موقع پر پیپلزسٹوڈنٹس فیڈریشن کے ضلعی صدر رانا غیاث احمد‘ ضلعی جنرل سیکرٹری اسامہ کمبوہ‘ تحصیل صدر قاسم شیث بٹر‘ عاصم شیث بٹر‘ آشیان علی رونگھا‘سعد وڑائچ نے دیگر عہدیداران کے ہمراہ مل کر پیپلزپارٹی کے 58ویں یوم تاسیس کا کیک کاٹا اور شہید ذوالفقار علی بھٹو‘ محترمہ بینظیربھٹواور شہداء جمہوریت کے بلند درجات اورملکی سلامتی کیلئے خصوصی دعا کی۔ تقریب سے خطاب کرتے ہوئے رانا غیاث احمد ودیگر مقررین نے کہا کہ قائد عوام شہیدذالفقار علی بھٹونے آج سے 58 سالہ پہلے پاکستان میں جمہوریت کی بقاء اور عوام کو ان کے حقوق دلانے کیلئے پیپلزپارٹی کی بنیادرکھی۔ پاکستان پیپلزپارٹی واحد سیاسی جماعت ہے جس کی جڑیں عوام میں ہیں اور پیپلزپارٹی نے اپنے ہردوراقتدار میں ملک کے غریب عوام کے حقوق اورملکی خوشحالی کے انقلابی اقدامات اٹھائے۔ انہوں نے کہا کہ ملک کا ناقابل تسخیردفاع بھی پیپلزپارٹی کی ہی مرہون منت ہے‘ جمہوریت کیلئے پیپلزپارٹی کی قربانیاں کسی سے ڈھکی چھپی نہیں ہیں۔ ملک میں کوئی ایسی جماعت نہیں جس نے جمہوریت کیلئے جان کے نذرانے پیش کئے ہوں۔ پیپلزپارٹی کے پاس قیادت سمیت سینکڑوں مثالیں موجود ہیں جنہوں نے جمہوریت اورملکی بقاء کیلئے پھانسی کے پھندے قبول کئے ہیں۔انہوں نے کہا کہ آنیوالا دور پاکستان پیپلزپارٹی کا ہے اور نوجوان عوامی لیڈر بلاول بھٹوزرداری عوامی طاقت سے وزیراعظم منتخب ہوکر ایک بار پھر اپنے نانا شہیدذوالفقار علی بھٹواوروالدہ محترمہ بینظیربھٹوشہید کے نقش قدم پر چلتے ہوئے ملکی ترقی کیلئے اپنی خدمات سرانجام دیں گے۔تقریب میں اسد جٹ‘علی لنگاہ‘ عبداللہ عباسی‘ عبداللہ گورایا‘ حسنین جٹ‘ عمیر رندھاوا‘ شمیر کھوکھر‘ جنید چوہدری‘ ہنزلہ بٹ‘ زین وڑائچ‘ حطیبہ خان‘ عمار چوہدری‘ صفدر کوریجہ‘انجم بٹ‘ چوہدری حماد بندیشہ‘ جام عاقب‘ انجم گھومن‘ پرویز ورک‘ رانا سونو‘ شوکت کمبوہ‘جام عاقب‘ جام رفیق‘ عاقب خان دشتی بلوچ‘ علی عباس و دیگر سٹوڈنٹس نے شرکت کی۔