لاہور (نامہ نگار )پنجاب میں گزشتہ 48 گھنٹوں کے دوران ٹریفک قوانین کی خلاف ورزیوں کے خلاف بھرپور کریک ڈاؤن کیا گیا، جس کے نتیجے میں 7 کروڑ 12 لاکھ روپے سے زائد کے جرمانے عائد کیے گئے۔ اس دوران 76 ہزار سے زائد شہریوں کو چالان کیا گیا، جبکہ 1,402 مقدمات درج کیے گئے۔ پولیس نے 1,390 افراد کو حراست میں لیا اور 13 ہزار سے زائد گاڑیاں بند کیں۔ بغیر لائسنس ڈرائیونگ کرنے والے 11,700 افراد کے خلاف کارروائی کی گئی، جبکہ ون وے کی خلاف ورزی پر 4,000 سے زائد افراد کو چالان کیا گیا۔ اس کے علاوہ 12,000 سے زائد موٹر سائیکل سواروں کو بغیر ہیلمٹ سفر کرنے پر جرمانہ کیا گیا۔
