واشنگٹن(بزمن ڈاٹ کام )وائٹ ہاؤس کے قریب گزشتہ روز افغان شہری کی فائرنگ سے خاتون نیشنل گارڈ زخموں کی تاب نہ لاکر دم توڑ گئی،شناخت بیس سال کی سارہ بیک اسٹورم کے نام سے ہوئی،چوبیس سال کے اینڈریو وولف کی حالت تشویشناک ہے۔امریکی صدرڈونلڈ ٹرمپ نےاپنےبیان میں کہاحملہ آور بھی شدید زخمی حالت میں ہے،ہم ملزم کا فیملی بیک گراؤنڈ دیکھ رہے ہیں،غیر قانونی طورپرامریکا آنے والے مشکلات پیدا کر رہے ہیں۔امریکی صدر نےمزید کہافورسز وطن کے ودفاع کیلئے پوری طرح تیار ہیں،کچھ دیر پہلےمزید بی ٹوبمبار طیاروں کا بڑا آرڈر دیا ہے، پائلٹ سے بھی ملاقات ہوئی،وہ سب ٹام کروز کی طرح ہیں۔حملےکی تحقیقات میں تیزی میں آگئی،افغان حملہ آور واشنگٹن میں اہلیہ اور بچوں کے ساتھ رہائش پذیر تھا،ایف بی آئی کا رحمان اللہ کے گھر پر چھاپہ مارا،جس میں الیکٹرانک آلات،موبائل فونز،لیب ٹاپس اور آئی پیڈز قبضے میں لے لیں،رشتے داروں سے بھی پوچھ گچھ جاری ہے،حکام کےمطابق رحمان اللہ 2021 میں امریکا آیا،اُسےافغانستان میں سی آئی اے کےساتھ کام کرنےکی وجہ سے ویزہ دیا گیا،ملازمت کے دوران ملزم کا ریکارڈ کلیئر تھا،امریکا آنے سےپہلےتمام شرائط بھی مکمل کیں،واقعے کے بعد اسائلم سیکر اوربعض گرین کارڈ ہولڈرز کی نگرانی سخت کر دی گئی ۔امریکی صدرکی ہدایت پر 19ممالک کے گرین گارڈ ہولڈرز کی دوبارہ جانچ ہوگی,لسٹ میں افغانستان ، ایران ۔ لیبیا ۔ یمن ۔ سوڈان اور صومالیہ سمیت دیگر ممالک شامل ہیں۔وزیرجنگ پیٹ ہیگستھ نےواشنگٹن میں 500 اضافی اہلکارتعینات کرنے کا اعلان کیا،ایف بی آئی ڈائیریکٹر کاش پٹیل کاکہنا ہےبظاہرحملہ آور ایک ہی تھا جس نے گھات لگاکر فائرنگ کی۔ یہ ہماری قومی سلامتی کا معاملہ ہے،مختلف ایجنسیاں واقعے کی تحقیقات کر رہی ہیں۔
