وہاڑی (بزمن ڈاٹ کام ) بوریوالا یونیورسٹی میں طالبات کو ہراساں کرنے کے معاملے پر وہاڑی پولیس نے ایکشن لیتے ہوئے اسسٹنٹ پروفیسر کو گرفتار کرلیا ۔ڈی پی او وہاڑی محمد افضل نے سوشل میڈیا پر اسسٹنٹ پروفیسر کی جانب سے طالبات کو ہراساں کرنے ویڈیو وائرل ہونے پر سختی سے نوٹس لیا تھا۔ پولیس تھانہ شیخ فاضل نے سب انسپکٹر دلشاد حسین کی مدعیت میں اسسٹنٹ پروفیسر کے خلاف مقدمہ درج کر لیا ۔ ایس ایچ او تھانہ شیخ فاضل ملک کاظم حسین پر مشتمل ٹیم نے ملزم کو گرفتار کےحوالات میں بند کر دیا ہے۔ڈی پی او وہاڑی کے مطابق خواتین کو تعلیمی اداروں، بازاروں اور کام کرنے والی جگہوں پر ہراساں کرنے کی اجازت نہیں دی جائے گی۔ایسی شکایت پر فوری ایکشن ہوگا۔
