پتوکی (رانا فیاض سے )پرانی منڈی عرصہ دراز سے بنیادی سہولیات سے محروم ہے۔ علاقے کی گلیوں اور بازاروں میں آئے روز سیوریج کا گندا پانی کھڑا رہتا ہے جس سے نہ صرف بدبو پھیلتی ہے بلکہ مقامی دکانداروں اور رہائشیوں کو شدید مشکلات کا سامنا کرنا پڑتا ہےعلاقہ مکینوں کے مطابق پتوکی پرانی منڈی انتظامی نا اہلی اور سیاسی عدم دلچسپی کی واضح مثال بن چکی ہے شہریوں کا کہنا ہے کہ آج تک اس علاقے کے لیے کوئی بڑا ترقیاتی پراجیکٹ یا گرینڈ پلان منظور نہیں ہوا مزید یہ بھی بتایا گیا کہ چند کونسلر اپنی نشستیں جیتنے کے بعد علاقے کو یکسر بھول چکے ہیں وہ صرف ووٹ لینے کے وقت گلیوں میں دکھائی دیتے ہیں اور بعد میں برسوں تک عوام کو منہ نہیں دکھاتے علاقہ مکینوں نے حکومت پنجاب بالخصوص وزیر اعلیٰ پنجاب مریم نواز سے مطالبہ کیا ہے کہ پتوکی پرانی منڈی کی حالت کا خود نوٹس لیا جائے اور اس علاقے کے لیے جامع ترقیاتی پیکیج منظور کیا جائے شہریوں کا کہنا ہے کہ اگر فوری اقدامات نہ کیے گئے تو گندا پانی، ٹوٹی سڑکیں، سیوریج کی بند لائنیں اور صفائی کا فقدان مزید پیچیدگیاں پیدا کر سکتا ہے
